تااااااااااني ............. أنت تاني ........ أنت صدقت ولا ايه .. ااااه صدقت وبعدين في ناس عجبتها التدوينة اللي فاتت وعايزاني أكمل ...... لو مش عاجبك غير القناة ......... ااااااااه قصدي لو حد مش عاجبه أي حاجة من اللي أنا باكتبه فأنا هابقى في قمة السعادة لو وصلني نقد .. توجيه .. إرشاد .. إلخ .. اه التدوينة اللي فاتت اتكلمت إن أنا مش باتعفن في القاع زي ما أسامة درة بيقول .. الحقيقة التعبير خانني .. أنا كنت أقصد إن أنا مش حاسس إني باتعفن في القاع زي ما أسامة درة حاسس لكن على الجانب الآخر أنا بأقدر موقفه جداً وكتابه عجبني قوي وهو شكله مش مبسوط اليومين دول كاتب مقالة تقطع القلب اسمها غابة الشك ابقوا اقروها وادعوله
المهم عشان نركز , الغاز , أنا الحقيقة مش عارف أنا ممكن أبدأ منين بس أنا هاقول اللي أنا أعرفه من شغلي ودراستي وبعدين نتكلم على الغاز المصري واستهلاكه وتصديرهأنا باشتغل مهندس خزانات ... اه يعني بتاع تانكات بنزين والحاجات دي .. ممممممممممم .. كده أنا لسه هابدأ معاكم من بدري قوي .. بس عشان محدش يتذاكى لأ .. مهندس الخزانات مش بتاع تانكات هو مسئول عن الخزانات اللي تحت الأرض عشان كده أنا بافضل الاسم التاني وهو مهندس مكامن .. مكامن ولا خزانات وبعدين هو فيه تانكات تحت الأرض انت بتشتغلنا .. قلت لك خزانات مش تانكات وبعدين آآآآآآآآآآآآآآآآآه أنت تعرف ايه عن البترول أصلاً .. بيحطوه في العربيات في محطة البنزين عشان العربيات تمشي .... مش قلت لك أنت محتاج شغل جامد ... ييه خلص أنا بدأت أزهق قول اللي عندك وخلصني
بص يا سيدي .. أو ياستي إذا كان في حد من الجنس اللطيف بيقرأ .. أنا عارف أن أسلوبي ركيك .. بس أنت متوقع/ة ايه يعني من مهندس أنا ماقلتش أن أنا الرافعي .. والراجل بتاع أمن الدولة قال أن الكليات العملية جافة .. هتكدبوا أمن الدولة يعني
ييييه مش قلت لك أنك بتلت وتعجن كتير .. خلاص هأقول أهه: بص يا سيدي .. البترول اللي هوه الغاز الطبيعي أو الزيت الخام بيبقى متجمع في طبقات من الحجر الرملي غالباً أو الحجر الجيري أحياناً أو أحجار أخرى زي الطباشير والجرانيت أو حتى الطين نادراَ موجودة تحت الأرض أحياناً العمق بيوصل لعدة أميال .. وعشان البترول يخرج بنحفر آبار عميقة لحد الطبقات دي
الكلام ده مهم في ايه .. يا عم اصبر بقى واهدأ على رزقك
مهندس الخزانات (المكامن) بيعمل ايه بقى .. مهمات وظيفته نظرياً بسيطة وواضحة
- يتعاون مع ناس تانية (الجيولوجيين إلخ) أنه يقدر حجم الغاز والزيت الموجودين تحت الأرض في تكوين معين
- يقدر كمية الزيت أو الغاز اللي ممكن يطلعوا من الخزان (المكمن) اللي تحت الأرض
- الدور الأهم أنه يربط إنتاج الزيت والغاز بجدول زمني عشان نقدر نحسب أهم حاجة في الموضوع كله وهي الفلوس , لاحظ أن شركات البترول مش منظمات خيرية ولا ايه
بص يا سيدي أنا هأجاوب على سؤال اتسأل كتير قريب وهو إذا كان حجم احتياطي الغاز المصري 77 تريليون قدم مكعب ودي كمية مهولة زي ما السيد الوزير بيقول .. إزاي تحصل عندنا أزمة غاز
أولاً مفيش أزمة غاز ولا حاجة وإمدادات الغاز منتظمة سواء للتصدير أو للاستهلاك الداخلي .. ايه ده مش مصدقين .. لسه الكهرباء بتقطع عندكم .. طيب يبقى إحنا متفقين إن في أزمة غاز .. نحاول نعرف حجمها قد ايه بقى
- أولاً: ال77تريليون قدم مكعب مش كمية مهولة ولا حاجة احتياطي إيران قد الرقم ده 15 مرة .. احنا قليلين قوي في الموارد الطبيعية
- ثانياً: الرقم ده مش صح قوي وأساساً مش هي دي الطريقة المعتمدة اللي بيعلن بيها الاحتياطي .. معتمدة , ومين اللي اعتمدها يا حلو أنت شكلك بتعيش علينا وبعدين يعني ايه احتياطي أصلاً
الاحتياطي هو كمية الزيت أو الغاز اللي بنقدر نستخرجها من تحت الأرض ممكن تكون صغيرة لدرجة 5% من الكمية الأصلية وممكن توصل ل90% منها إزاي ببساطة ظروف خزان وشطارة مهندسين
ليه بقى الناس مش بتعلن عن الاحتياطي بتاعها بالطريقة دي وليه الاحتياطي ده مهم أساساً فاكر المهمات بتاعة مهندس المكامن .. يقدر .. كل حاجة بقدر.. يعني هوه مابيحسبش بدقة .. آآآآآآآآه يعني بتوع الخزانات دول بيتجننوا ومابيقولوش أرقام دقيقة .. بشكل عام مأقدرش أقول إن وجهة النظر دي مش غريبة
فاكر لما قلت لك إن إحنا بنقدر حاجات موجودة تحت الأرض يعني مش بنشوفها .. فأكيد النتائج مش دقيقة .. إنما عشان نتغلب على القصة دي بنستخدم مبادئ عدم التأكد .. مش بتاعة هايزنبرج .. لأ Uncertainty Principles
يعني ايه .. الاحتياطي بيتقسم لفئات الاحتياطي المؤكد والمحتمل والممكن , وتقييم الاحتياطي وتوزيعه على الفئات دي بيعتمد على مبادئ عدم التأكد والإحصاء
يعني ايه الاحتياطي اللي نسبة التأكد من إنتاجه 90% يبقى مؤكد واللي في احتمال 50% هننتج أكتر منه و50% أقل منه يبقى محتمل واللي فيه احتمال 10% بس أننا ننتج أكتر من كده يبقى ممكن , دلوقتي هنقلب انجليزي عشان الركاكة كده بزيادة
Reserves are categorized into 1P to 6P categories, usually companies report their 2P reserves which are reserves that have probability of 50% or more to be produced from known reservoirs. What does Egyptian MoP (Ministry of Petroleum) use for reporting , I don't know.
4P to 6P reserves categories are those which can't be produced economically under current conditions.
ايه بقى قصة الاحتياطي ده وليه له لازمة أساساً , الاحتياطي بالنسبة للدول معناه الطاقة اللي موجودة عندها والدول محتاجة تعرفه عشان تحدد خطط استهلاك وإنتاج الطاقة في البلد دي (الدول اللي بتفهم يعني)
بشكل عام أنا مش شايف أن رقم 77 تريليون قدم مكعب رقم دقيق لاحتياطي مصر في الغاز , التقديرات المستقلة بتتراوح بين 35 و 40 تريليون قدم مكعب غاز للاحتياطي 2P reserves اللي هي الاحتياطيات المؤكدة والمحتملة
4P to 6P reserves categories are those which can't be produced economically under current conditions.
ايه بقى قصة الاحتياطي ده وليه له لازمة أساساً , الاحتياطي بالنسبة للدول معناه الطاقة اللي موجودة عندها والدول محتاجة تعرفه عشان تحدد خطط استهلاك وإنتاج الطاقة في البلد دي (الدول اللي بتفهم يعني)بشكل عام أنا مش شايف أن رقم 77 تريليون قدم مكعب رقم دقيق لاحتياطي مصر في الغاز , التقديرات المستقلة بتتراوح بين 35 و 40 تريليون قدم مكعب غاز للاحتياطي 2P reserves اللي هي الاحتياطيات المؤكدة والمحتملة
- ثالثاً: كمان إنتاج الغاز مش بس بيعتمد على الاحتياطي لأ كمان بيعتمد على القدرة الإنتاجية والبنية التحتية للإنتاج يعني ممكن يكون في حقل فيه غاز كتير جداً بس عدد الآبار قليل أو قدرة محطات الإنتاج محدودة فالقدرة الإنتاجية للحقل محدودة ودي زي مشكلة إيران والعراق
ياااااااااااااه أنا رغيت كتير قوي النهارده , المهم عرفنا يعني ايه احتياطي وإزاي بيتأثر وبيتأثر بالإنتاج والمرة الجاية ممكن نتكلم عن الغاز والطاقة واستهلاكها في مصر واحنا ليه أسعار الغاز عندنا قليلة وايه حجم استهلاكنا واستثماراتنا ... إلخ مستني أسمع رأيكم وعذراً للإطالة
